Bu ilin əvvəlinə olan məlumata görə, Azərbaycanın ərazi bütövlüyü uğrunda döyüş əməliyyatlarında iştirak etmiş 179 min 284 müharibə veteranına təqaüd verilib.
Shimal.News xəbər verir ki, rəsmi məlumatlara əsasən, bu göstərici son bir ildə 1 663 nəfər və ya 0,9 faiz azalıb.
Şimal bölgəsində təqaüd alan müharibə veteranlarının sayı və əhalinin hər 10 min nəfərinə düşən göstərici aşağıdakı kimidir:
Xızı rayonu – 341 nəfər (203)
İsmayıllı rayonu – 1 707 nəfər (195)
Qəbələ rayonu – 1 823 nəfər (166)
Qax rayonu – 959 nəfər (165)
Siyəzən rayonu – 672 nəfər (160)
Oğuz rayonu – 716 nəfər (160)
Şabran rayonu – 934 nəfər (159)
Balakən rayonu – 1 438 nəfər (142)
Şamaxı rayonu – 1 490 nəfər (140)
Zaqatala rayonu – 1 833 nəfər (140)
Xaçmaz rayonu – 2 343 nəfər (134)
Ağsu rayonu – 1 055 nəfər (130)
Şəki rayonu – 2 306 nəfər (125)
Quba rayonu – 1 857 nəfər (108)
Qusar rayonu – 1 039 nəfər (101)
Ümumi say baxımından şimal bölgəsində ən az müharibə veteranı Xızı rayonunda (341 nəfər) qeydə alınıb.
Əhalinin hər 10 min nəfərinə düşən müharibə veteranlarının sayına görə ölkə üzrə ilk sırada Xocavənd rayonu qərarlaşıb. Burada hər 10 min nəfərə 535 veteran düşür. Sonrakı yerlərdə Qazax (502), Naftalan (494), Goranboy (460) və Zəngilan (454) rayonları yer alır.
Bu göstərici üzrə son sıralarda isə Xankəndi (2), Ordubad (85), Abşeron (88), Masallı (90) və Qusar (101) qərarlaşıb. Qusar şimal bölgəsində əhalinin hər 10 min nəfərinə düşən müharibə veteranlarının sayının ən aşağı olduğu rayon kimi diqqət çəkir.
