Azərbaycanın ilk ali təhsilli memarı, görkəmli ictimai xadim Zivər bəy Əhmədbəyov 1873-cü ildə Şamaxı şəhərində anadan olub. Məhz Şamaxıda formalaşan dünyagörüşü onun sonrakı yaradıcılığında milli memarlıq xəttinin əsasını təşkil edib.
Shimal.News məlumat verir ki, Zivər bəy Azərbaycan xalq memarlığını Şərq və Avropa üslubu ilə ustalıqla birləşdirərək paytaxtdakı Təzəpir, Əmircan, Əjdər bəy məscidləri, Bakı Şəhər İcra Hakimiyyətinin binası, eləcə də Şamaxıda və Bakıda bir sıra yaşayış evləri kimi mühüm memarlıq abidələrinə imza atıb.
O, 1919-cu ildə Şamaxıda "Yeni Şirvan" cəmiyyətini yaradaraq bölgənin mədəni irsinin öyrənilməsi və qorunmasına xüsusi töhfə verib.
1918-ci ildən Bakının baş memarı kimi fəaliyyət göstərən Zivər bəy Əhmədbəyov milli memarlıq tarixində silinməz iz qoymuş, 1925-ci ildə Bakıda vəfat edib.
