Bu gün – 7 iyul Şəki şəhəri günüdür.
Şəki Azərbaycanın ən qədim şəhərlərindən biridir. Azərbaycan Respublikasının şimal-qərbində yerləşən Şəki şəhərinin tarixi kökləri eradan əvvəl VI əsrə, Qafqaz Albaniyası dövrünə qədər uzanır.
Rayon ərazisində dövlət mühafizəsinə götürülmüş 134 arxeoloji və memarlıq abidəsi var. Onlardan Kiş kəndindəki Alban məbədi, Şəki Xan Sarayı dünya əhəmiyyətli abidələrdir. Şəki şəhəri tarixi memarlıq abidələri, gözəl təbiəti, ənənəvi sənətkarlıq və mətbəx mədəniyyəti ilə yerli və xarici turistlərin diqqətini cəlb edir.
Onu da qeyd edək ki, şəhər 2713 illiyi münasibətilə iyulun 6-da “Yuxarı Karvansaray” mehmanxana kompleksində bayram tədbiri keçirilib.
