Xalq artisti, 97 yaşlı rəqqasə Roza Cəlilova vəfat edib.
Shimal.News xəbər verir ki, sənətkar Bakının Səbail rayonunda yaşadığı mənzildə dünyasını dəyişib.
Roza Cəlilova 1929-cu il mayın 17-si Qubada anadan olub. O, əmək fəaliyyətinə 1949-cu ildə Azərbaycan Dövlət Mahnı və Rəqs ansamblında başlayıb. Səhnə fəaliyyətinin 30 ildən artıq dövründə Kanada, Efiopiya, Çin, ABŞ, Türkiyə, İraq, Mərakeş və digər ölkələrdə qastrol səfərlərində olub.
“Şərəf” ordeninin sahibi, milli xoreoqrafiya sənəti tarixində peşəkar təhsil alan ilk azərbaycanlı rəqqasələrdən biri Roza xanımdır.
