Şəhid Sergey Heybətovun dünyaya göz açdığı gündür.
Sergey Ramin oğlu Heybətov 2003-cü il avqustun 2-də Qusar rayonunun Uğur kəndində anadan olub.
Shimal.News xəbər verir ki, o, şəhid Çingiz Qurbanov adına Həzrə kənd tam orta məktəbində təhsil alıb.
Azərbaycan Ordusunun müddətdən artıq həqiqi hərbi xidmət qulluqçusu (MAXE) olan Sergey Heybətov 2023-cü il sentyabrın 22-də Qarabağda həyata keçirilən lokal antiterror tədbirləri zamanı qəhrəmancasına şəhid olub. Vətən uğrunda canından keçən qəhrəman doğulduğu Uğur kəndində torpağa tapşırılıb.
Döyüşlərdə göstərdiyi igidliyə görə, Azərbaycan Respublikasının Prezidenti İlham Əliyevin müvafiq sərəncamlarına əsasən, şəhid MAXE Sergey Heybətov ölümündən sonra 3-cü dərəcəli “Vətənə xidmətə görə” ordeni və “Vətən uğrunda” medalı ilə təltif olunub.
