Quba şəhərində gündəlik vərdişlərinə uyğun avtomobil idarə edən sürücüləri xoşagəlməz sürpriz gözləyir.
Bu barədə Shimal.News-a məlumat edən sakinlər, xəbərdar ediblər ki, Olimpiya İdman Kompleksinin yanında yeni yol nişanı quraşdırılıb.
Onların sözlərinə görə, sürücülərin bir qismi bu dəyişiklikdən xəbərsiz olduğu üçün bilmədən yol hərəkəti qaydalarını pozur.
"Gündə yüzlərlə sürücü bilmədən burada sola dönür. Çünki əvvəl Heydər Əliyev prospekti ilə Qubanın mərkəzinə dönmək olurdu, indi isə məcbur olaraq sağ istiqamətdə hərəkətə davam etmək lazımdır".
