Bu gün şəhid Sahib Musayevin ad günüdür.
Shimal.News xəbər verir ki, o, 1984-cü il iyulun 21-də Qax rayonunun Şotavar kəndində anadan olub.
Musayev Azərbaycan Ordusunun Xüsusi Təyinatlı Qüvvələrinin (XTQ) peşəkar hərbçisi olub.
Qəhrəman hərbçimiz 2020-ci il sentyabrın 27-də başlayan Vətən müharibəsi zamanı Cəbrayıl, Hadrut, Qubadlı və Şuşa istiqamətlərində gedən şiddətli döyüşlərdə rəşadətlə vuruşub.
Sahib Musayev 7 noyabr 2020-ci il tarixində Şuşanın azadlığı uğrunda gedən döyüşlərdə şəhidlik zirvəsinə ucalıb.
Onu da qeyd edək ki, Azərbaycan Respublikasının Prezidenti İlham Əliyevin müvafiq sərəncamları ilə Sahib Musayev ölümündən sonra "Vətən uğrunda", "Cəbrayılın azad olunmasına görə", "Şuşanın azad olunmasına görə" medalı və "Azərbaycan Bayrağı" ordeni mükafatlandırılıb.
