Bu gün Azərbaycan dramaturqu, ictimai xadim Mirzə Fətəli Axundzadənin doğum günüdür.
Shimal.News məlumat verir ki, Mirzə Fətəli Axundzadə 1812-ci ildə Şəki şəhərində anadan olub.
Dövrünün müasir elmləri ilə maraqlanan Fətəli 1833-cü ildə Şəkidə açılan rus məktəbinə daxil olur və bir il burada təhsil alır.
1834-cü ildə o, Tiflisə gedib, Qafqaz canişininin baş dəftərxanasında mülki işlər sahəsində Şərq dilləri mütərcimi təyin olunub və ömrünün sonuna qədər bu vəzifədə çalışıb.
Axunzadə bədii yaradıcılığına şeirlə başlayıb ("Səbuhi" təxəllüsü ilə).
Görkəmli ədib 1850–1855-ci illərdə özünün məşhur altı komediyasını yaratmaqla nəinki Azərbaycan ədəbiyyatında, bütövlükdə Balkanlardan Hindistana qədərki türk-müsəlman dünyasında dramaturgiyanın əsasını qoyub.
M.F. Axundzadə ağır xəstəlikdən sonra 1878-ci ildə vəfat edib, öz vəsiyyətinə görə müəllimi M. Ş. Vazehin qəbri yanında dəfn olunub.
