Şəki-Zaqatala Regional Məşğulluq filialının təşkilatçılığı ilə Qax şəhərində əmək yarmarkası təşkil olunacaq.
Shimal.News xəbər verir ki, yarmarkanın məqsədi işaxtaran vətəndaşların mövcud vakansiyalarla tanış olması, işəgötürənlərlə birbaşa ünsiyyət qurması və məşğulluq imkanlarının artırılmasıdır.
Tədbirdə iştirak etmək istəyən namizədlərdən şəxsiyyət vəsiqələrini özləri ilə gətirmələri tələb olunur. Həmçinin iştirakçıların CV nümunəsi ilə gəlmələri arzuolunandır.
Vakansiyalar, iş öhdəlikləri və əmək şəraiti ilə bağlı ətraflı məlumat yarmarka zamanı iştirakçılara təqdim ediləcək.
Yarmarkanın keçiriləcəyi ünvan və tarix:
Qax şəhəri, Heydər Əliyev prospekti 86 (Heydər Əliyev parkı)
17 iyun 2026-cı il
Saat 11:00
