Koroğlu İsmayıl oğlu Rəhimov 1953-cü il oktyabrını 31-də Oğuz rayonu Xaçmaz kəndində anadan olub.
Shimal.News xatırladır ki, o, 8 yaşında ailəsi ilə birlikdə Qərbi Azərbaycanın Zəngibasar mahalının Sarıcalar kəndinə köçüb, sonradan isə Bakıda məskunlaşaraq işləməyə başlayıb.
Xocalı faciəsindən sonra 38 yaşlı Koroğlu könüllü olaraq Azərbaycan Silahlı Qüvvələrinin sıralarına yazılıb. O, motoatıcı bölüyünə rəhbər edərək Goranboyun Buzluq, Çartaz, Erkəç kəndlərini yaraqlılardan azad edib, təkbaşına 5 düşməni məhv edib.
Azərbaycan Respublikası Prezidenti Heydər Əliyevin 16 sentyabr 1994-cü il tarixli, 203 nömrəli fərmanına əsasən Azərbaycan Respublikasının suverenliyinin və ərazi bütövlüyün qorunmasında, Azərbaycan torpaqlarının erməni işğalçılarından müdafiə edilməsində gedən döyüşlərdə qəhrəmanlıqla vuruşaraq göstərdiyi şəxsi igidlik və şücaətə, öz müqəddəs əsgəri və xidməti borclarının şərəflə yerinə yetirilməsində göstərdiyi misilsiz xidmətlərə görə leytenant Rəhimov Koroğlu İsmayıl oğlu ölümündən sonra “Azərbaycanın Milli Qəhrəmanı” adına layiq görülüb.
