Məhəmməd Əmin Rəsulzadə 1884-cü il yanvarın 31-də Bakının Novxanı kəndində anadan olub.
O, 1917-ci ildə Rusiya parlamentinə Azərbaycan və Türküstandan millət vəkili seçilmişdir. 1918-ci ilin mart ayında Azərbaycan xalqına qarşı ermənilər tərəfindən soyqırımlar törədilirdi. Həmin vaxt Məhəmməd Əmin Rəsulzadə Azərbaycanın Rusiyadan ayrılaraq müstəqil dövlət yaratması uğrunda mübarizə aparmağa başlamışdır. 28 may 1918-ci ildə isə Məhəmməd Əmin Rəsulzadənin sədr olduğu Azərbaycan Milli Şurası Azərbaycanın istiqlalını elan etmişdir.
1920-ci ilin aprel ayında AXC-nin süqutundan sonra Rəsulzadənin göstərişi ilə Bakıda “Müsavat”ın gizli mərkəzi yaradılır və o, 1920-ci ilin avqustunda həbs olunur. Stalinin göstərişi ilə Rəsulzadə həbsdən azad edilərək, Moskvaya aparılır. Daha sonra Rəsulzadə gizli yolla Finlandiyaya keçərək Türkiyəyə mühacirət edir. Rəsulzadə Türkiyədə olan zaman “Müsavat” Partiyasının Xarici Bürosunu yaradır. O, ömrünün sonuna kimi Azərbaycanın müstəqilliyinin bərpa olunması uğrunda mübarizə aparıb.
Məhəmməd Əmin Rəsulzadə 6 mart 1955-ci ildə Türkiyənin Ankara şəhərində vəfat edib, oradakı Cəbəci Əsri qəbiristanlığında dəfn olunub.
