Sentyabrın 15-dən etibarən ölkənin bütün təhsil müəssisələrində tədris ili başlayır.
Shimal.News məlumat verir ki, Şimaldan olan gənclər geridə qalan dövrdə böyük uğur qazanaraq adlarını təhsil tarixinə yazıblar.
Azərbaycanda yeni tədris ilində 2,2 milyon təhsil alan olacaq. 2025/2026-cı tədris ilində 130 mindən çox uşaq 1-ci sinifdə təhsil alacaq. Yeni tədris ilində ali təhsilin bütün səviyyələrinə 75 min tələbə qəbul olunub.
Elm və təhsil naziri Emin Əmrullayev 15 sentyabr - Bilik Günü ilə bağlı paylaşım edib:
“Əziz müəllimlər, şagirdlər, tələbələr və valideynlər! Sizi yeni tədris ilinin başlanması münasibətilə təbrik edir, hər birinizə uğurlar arzu edirəm. Yeni dərs ili yeni ümidlər, yeni hədəflər deməkdir. Bu tədris ilinin hər biriniz üçün məhsuldar və nailiyyətlərlə zəngin olmasını arzulayıram.
Bilik Gününüz mübarək!”
