Əslən Quba rayonunun Qırmızı Qəsəbəsindən olan dağ yəhudisi Albert Aqarunov 25 aprel 1969-cu ildə Bakı şəhərinin Orconikidze (indiki Suraxanı) rayonunun Əmircan qəsəbəsində anadan olub. Səkkiz qardaşı və iki bacısı olan Albert ailəsinin sonbeşiyi idi.
Birinci Qarabağ müharibəsi zamanı könüllü olaraq cəbhəyə gedən Aqarunov, tank briqadasının tərkibində Ağdam, Cəbrayıl, Füzuli, Laçın bölgələrində vuruşub. O, sonradan tank komandiri kimi Şuşaya yollanıb, erməni komandir Qaqik Avşaryanı məğlub edib.
Aqarunov daha sonra Şuşa–Laçın yoluna doğru irəliləyib. O, burada, tankının sürücüsünə həlak ola azərbaycanlı əsgərlərin və mülki vətəndaşların meyitlərinin üstündən keçməməyi tapşırıb və ona yol göstərmək üçün tankdan enib. Bu zaman o, erməni snayperinin açdığı atəş nəticəsində şəhid olub.
Kapitan Albert Aqarunov mayın 11-i Bakıdakı Şəhidlər Xiyabanında dəfn edilib. Mərasim eyni vaxtda molla və ravvin tərəfindən keçirilib.
