Şamaxıda bələdiyyə sədrinin ölkədən çıxışına məhdudiyyət qoyulub.
Qaynarinfo-nun məlumatına görə, Şamaxı rayonunun Meysəri bələdiyyəsinin (Meysəri, Muğanlı, Qurdtəpə, Günəşli, Şirvan və Şərədil kəndləri) sədri Emil Nəbiyev barəsində Dövlət Vergi Xidmətinin 4 saylı Ərazi Vergilər İdarəsi məhkəməyə müraciət edib.
Məlum olub ki, bələdiyyə sədrinin sözügedən idarəyə 2000 manatdan çox vergi borcu yaranıb. Xəbərdarlığa baxmayaraq, sözügedən borcu ödəməyən bələdiyyə sədri barəsində məhkəməyə müraciət edilib.
Məhkəmənin hökmü ilə 30 yaşlı Emil Nəbiyevin ölkədən getmək hüququ müvəqqəti məhdudlaşdırılıb.
