Azərbaycanda ümumilikdə atların sayında azalma müşahidə edilib. Lakin bəzi rayonlarda artım da var.
Shimal.News məlumat verir ki, Dövlət Statistika Komitəsi 2025-ci ilin əvvəlinə olan göstəriciləri açıqlayıb.
Ümumi say və azalma rəqəmləri aşağıdakı kimidir:
- Quba-Xaçmaz iqtisadi rayonu – 6410-dan 5673-ə düşüb (-11.5%);
- Şəki-Zaqatala iqtisadi rayonu – 7453-dən 6876-ya düşüb (-8%);
- Qarabağ iqtisadi rayonu – 4764-dən 4176-ya düşüb (-12%);
- Gəncə-Daşkəsən iqtisadi rayonu – 3217-dən 3038-ə düşüb (-5.5%);
- Qazax-Tovuz iqtisadi rayonu – 5253-dən 4732-yə düşüb (-10%);
- Şərqi Zəngəzur iqtisadi rayonu – 2930-dan 2728-ə düşüb (-6.9%).
2024-cü ildə ən çox at Zaqatalada - 3590 baş - qeydə alınıb. Qubada 2528 baş Cəlilabadda 2000 baş olub. Hazırda Zaqatalada 3268 baş, Qubada 2568 baş, Cəlilabadda 2082 baş at var.
Paytaxt Bakıda isə atların sayında cüzi artım olub. 2023-cü ildə Bakıda 153, növbəti il 157 olub.
