Zəlzələlərin ən intensiv və dağıdıcı olduğu şəhərlərimizdən biri də Şamaxıdır.
Shimal.News-un məlumatına görə, 1667-ci il noyabrın 25-də Şamaxıda baş verən zəlzələ Azərbaycan tarixində 2-ci ən böyük və dağıdıcı zəlzələ olub.
Zəlzələnin 6,9 bal gücündə olduğu təxmin edilir.
Bu zəlzələ zamanı 80000 insanın öldüyü bildirib. Bu faciə təkcə Şamaxı şəhərini yox, onun 125 kəndini də əhatə edib.
1667-ci il zəlzələsindən 4 il sonra ərazidə olan holland səyyah Yan Streys zəlzələ haqqında bunları yazıb:
“Dəhşətli dağıntılarda əli silah tuta bilən 80 mindən çox kişi həlak olub. Həlak olan qadın, uşaq və qulların sayı isə məlum deyil. Fəlakət təkcə Şamaxını yox, ətraf əraziləri də əhatə edib, sərt qayalar ayrılıb, bir çox kənd əmələ gələn boşluqlara yuvarlanıb. Hətta gəliş-gediş yolları da o qədər bərbad vəziyyətə düşüb ki, karvanlar dolanbac yollarla hərəkət etməli olurlar”.
