Avtomobil nömrələrini oğurlayan Xudat sakini tutulub.
“Lent.az”ın məlumatına görə, Xudatda “Toyota” markalı avtomobilə məxsus dövlət qeydiyyat nişanları oğurlanıb.
Polis əməkdaşları əməliyyat keçiriblər. Nəticədə əməli törədən şəxs əvvəllər məhkum olunmuş Zaur Tağıyev Hacıqabul rayonu ərazisində saxlanılıb. Həmçinin, onunla bir avtomobildə olan sərnişin, əvvəllər məhkum olunmuş Mətləb Məmmədquliyev də saxlanılıb. O, Xətai rayon Polis İdarəsi tərəfindən axtarışda idi.
Hər iki şəxs aidiyyəti üzrə təhvil verilib.
