Xaçmazda yol hərəkəti qaydalarını kobud şəkildə pozan sürücü əməllərini videoya çəkərək sosial şəbəkə hesabında paylaşıb.
“Avtosfer.аz”ın məlumatına görə, müxtəlif vaxtlarda qeydə alınmış görüntülərdə sürücü “VAZ-21033” markalı avtomobillə yolda sərt manevrlər edib. Bununla yanaşı qayda pozan şəxs yaşayış zonasında da “sağ-sol” edərək piyada və park edilmiş avtomobillərə qəza riski yaradıb. Digər görüntüdə isə həmin sürücü, toy karvanında əks istiqamətli yola çıxaraq avtoxuliqanlıq edib.
Daxili İşlər Mətbuat Xidmətinin Quba regional qrupundan bildirilib ki, bu əməllərin törədən rayon sakini E.Əhmədxanov Xaçmaz RPŞ-nin əməkdaşları tərəfindən saxlanılıb. Onun barəsində qanunamüvafiq tədbir görülüb.
