Bu gün Qubada piyadanın vurulması ilə nəticələnən yol-nəqliyyat hadisəsi baş verib.
Shimal.News xəbər verir ki, yaralının vəziyyəti ilə bağlı 02.12.2024-cü il tarixində saat 13:10 radələrində Quba rayonunda baş verən yol-nəqliyyat hadisəsi ilə əlaqədar Quba Rayon Mərkəzi Xəstəxanasının Təcili və təxirəsalınmaz tibbi yardım şöbəsinə çağırış daxil olub.
Hadisə yerinə dərhal təcili tibbi yardım briqadası cəlb olunub və xəsarət alan 1 nəfər (kişi cinsli) Quba Rayon Mərkəzi Xəstəxanasına təxliyə olunub.
1960-cı il təvəllüdlü şəxsə müştərək travma, açıq kəllə-beyin travması, baş beynin, döş qəfəsinin və ağciyərlərin əzilməsi diaqnozu təyin olunub, ilkin zəruri tibbi xidmətlər göstərilərək Reanimasiya şöbəsinə yerləşdirilib.
Hazırda həmin şöbədə müalicəsi davam etdirilir, vəziyyəti ağır qiymətləndirilir.
Faktla bağlı araşdırma aparılır.
