Qubada 8 il əvvəl qətl törətməkdə təqsirləndirilən Osman Ömərov və Əflatun Əspəndiyevin barəsindəki hökmdən verilən apellyasiya şikayəti üzrə məhkəmə iclası başa çatıb.
Pravda.az-ın əldə etdiyi məlumata görə, Sumqayıt Apellyasiya Məhkəməsində hakim Elman Əhmədovun sədrliyi ilə keçirilən prosesdə qərar elan olunub.
Qərara əsasən, apellyasiya şikayəti təmin edilməyib. Məhkəmənin hökmü ilə Osman Ömərovun ömürlük, Əflatun Əspəndiyevin isə 18 il azadlıqdan məhrum edilmə cəzası qüvvədə qalıb.
Shimal.News xatırladır ki, hadisə 2017-ci ildə Küpçalqışlaq kəndində baş verib. Cinayətin üstü 5 il sonra açılıb. Məlum olub ki, 40 yaşlı Osman Ömərov 38 yaşlı Rəhman İşıqovu və 19 yaşlı Ülviyyə Məmmədovanı qisas almaq üçün qısqanclıq məqsədilə qətlə yetirib. O, cinayət izini itirmək üçün qəza görüntüsü yaratmaq məqsədilə onların meyitlərini elə Rəhmanın öz avtomobilinin içərisində yandırıb. İstintaqla Əflatun Əspəndiyevin də ona kömək etdiyi müəyyən edilib. Daha sonra Ömərin qətlə yetirdiyi Ülviyyə ilə əvvəllər sevgi münasibəti olduğu məlum olub.
