Dövlət Məşğulluq Agentliyi 26 İyun -Silahlı Qüvvələr Günü ərəfəsində media nümayəndələrinin müharibə veteranları üçün özünüməşğulluq proqramı çərçivəsində yaradılan kiçik təsərrüfatlarla tanışlığı məqsədilə növbəti mediatur təşkil edib.
Shimal.News xəbər verir ki, Quba rayonunda müharibə veteranları üçün qurulan kiçik təsərrüfatlarla tanışlıq baş tutub.
Media nümayəndələri əvvəlcə Vətən müharibəsi veteranı Elməddin Əlişanovun xidmət sahəsində olublar. O, özünüməşğulluq proqramı çərçivəsində avtotəmizləmə zərfi üzrə avadanlıqlarla təmin olunaraq öz işini qurub.
Daha sonra jurnalistlər müharibə veteranı Şahin Kərimov üçün yaradılan kiçik təsərrüfatla tanış olublar. Ş.Kərimov özünüməşğulluq proqramı üzrə avtoçilingər zərfi üzrə avadanlıqlarla təmin olunub. Jurnalisitlər proqram çərçivəsində kişi bərbərxanası zərfi üzrə avadanlıqlarla təmin olunan Murad Sultanovun da xidmət sahəsində olublar.
Məlumat üçün bildirək ki, postmüharibə dövründə şəhid ailələrinin üzvləri və müharibə veteranları olan 27 min şəxsin məşğulluğuna dəstək göstərilib.
