Qubada məktəblilərin “SketchUp modelləşdirmə klubu” fəaliyyətə başlayıb. Bu barədə ShimalNews 30 yanvar tarixində məlumat verir.
Qımılqışlaq kənd tam orta məktəbində “3D-li dünyamız” adlı layihə həyata keçirilir. Dərslər Künxırt kənd ibtidai məktəbinin müəllimi Musa İsmayılov tərəfinndən aparılır. O, “Təhsildə inkişaf və innovasiyalar üzrə VII qrant müsabiqəsi”nin qalibi olub.
Klubun yaradılmasında əsas məqsəd 7-9-cu sinif şagirdlərinin qrafik dizayn bacarıqlarının inkişaf etdirilməsinə təkan verməkdir. Təlimlərdən sonra iştirakçılar arasında modelləşdirmə üzrə müsabiqə təşkil olunacaq.
Qrafik dizayn rəqəmsal əsrdə insanın diqqətini cəlb etməkdə mühüm rol oynayır. O, loqotip tərtib etmək, veb-sayt tərtibatı yaratmaq və ya reklam hazırlamaq üçün istifadə olunur.
