Quba və İsmayıllıdan olan məktəblilər “Ekoloji təmiz məhsul və aqrobiomüxtəliflik” IV Respublika müsabiqəsində uğurla iştirak ediblər. Bu barədə ShimalNews 11 fevral tarixində Respublika Uşaq-Gənclər İnkişaf Mərkəzinə istinadən məlumat verir.
Müsabiqədə iştirak edən 3000 nəfərdən 100 nəfər final mərhələsinə vəsiqə qazanıb. 5-11-ci sinif şagirdləri meyvəçilik, subtropik bitkilər, arıçılıq, heyvandarlıq, meşə məhsulları, tərəvəzçilik, gülçülük, dənli bitkilər, texniki bitkilər, “balaca fermer” (I-IV siniflər), Qarabağın biomüxtəlifliyi nominasiyaları üzrə mübarizə aparıblar.
Qalibləri təqdim edirik:
- “Balaca fermer” nominasiyası üzrə 1-ci yer - Əli Dahiroğlu (Quba);
- Tərəvəzçilik nominasiyası üzrə 1-ci yer - Eşqin Süleymanov (Quba);
- Arıçılıq nominasiyası üzrə 3-cü yer - Cavidan Qasımov (Quba);
- Meşə məhsulları nominasiyası üzrə 1-ci yer - Gülnarə Osmanova (İsmayıllı), 3-cü yer - Zəhra Əsədova (Quba).
Qaliblər diplom və qiymətli hədiyyələrlə mükafatlandırılıblar.
