Qubada meşələrin qanunsuz qırılması ilə əlaqədar icra başçısı görüş keçirib. Bu barədə ShimalNews 29 mart tarixində RİH-yə istinadən xəbər verir.
Martın 28-i rayon rəhbəri Ziyəddin Əliyev Talabıqışlaq kəndində olub və sakinlərləri dinləyib. Məsələ ilə bağlı icra başçısı öz fikirlərini bildirib və ətraflı araşdırmalar aparılması üçün aidiyyəti şəxslərə müvafiq tapşırıqlar verib.
Görüşdə, eləcə də Rayon İcra Hakimiyyətinin məsul şəxsləri, rayonun hüquq-mühafizə orqanlarının rəhbərləri, rayon Ağsaqqallar Şurasının sədri, RİH yanında İctimai Şuranın sədri, Ekologiya və Təbii Sərvətlər Nazirliyinin 5 saylı Regional İdarəsinin və Quba Regional Meşə Təsərrüfatı Mərkəzinin rəhbərləri və əməkdaşları, Talabıqışlaq İƏD üzrə kəndlərin sakinləri iştirak ediblər.
Daha öncə Vəlvələ ərazisində yüzlərlə palıd və vələs ağacının, Xarovşa ərazisində 150 illik ağacların kəsilməsi haqqında məlumat vermişdik.
