Bu gün ölkə üzrə fəaliyyət göstərən 28 "ASAN xidmət" mərkəzinin əməkdaşlarının peşə bayramıdır.
Shimal.News xəbər verir ki, Qəbələ, Quba, Şəki, Şamaxı, Balakən və digər rayonlarda yerləşən "ASAN xidmət" mərkəzlərində dövlət orqanları tərəfindən göstərilən xidmətlərin vahid və əlaqələndirilmiş şəkildə həyata keçirilməsi təmin olunur.
Qeyd edək ki, Azərbaycanda ilk "ASAN xidmət" mərkəzi 2012-ci il dekabrın 29-da fəaliyyətə başlayıb. Prezident İlham Əliyevin 2017-ci il dekabrın 29-da imzaladığı Sərəncama əsasən, dekabrın 29-u ölkəmizdə "ASAN xidmət" işçilərinin peşə bayramı günü kimi qeyd olunur.
