Şabrandan olan Şahin Əşrəf oğlu Mirzəyev Rusiya-Ukrayna müharibəsində itkin düşüb.
Shimal.News-a müraciət edən Mirzəyevlər ailəsi bildiriblər ki, hadisə aprel ayında Donetsk vilayətində baş verib.
“Qardaşım uzun illərdir Ukraynada yaşayır və oranın vətəndaşlığını alıb. Müharibə başlayandan sonra onu kəşfiyyat bölüyünə xidmətə cəlb ediblər. Üzvü olduğu dəstə 18 nəfərdən ibarət olub və hələ də onların heç biri ilə əlaqə yoxdur. Anamızın gözləri ağlamaqdan tutulub. Ümid edirik ki, Şahin sağdır və tapılacaq”, – deyə Şıxbala Mirzəyev bildirib.
47 yaşlı Şahin Mirzəyev ailəlidir, bir övladı var. Onunla bağlı məlumatı olan şəxslər ailə ilə əlaqə saxlaya bilərlər.
