Xaçmaz Ədliyyə İdarəsinin sabiq rəisi barəsində cinayət işi başlanılıb. Bu haqda 4 aprel tarixində Shimal.news APA-ya istinadən xəbər verir.
Cavanşir Əvəzov bələdiyyələrə təzyiq göstərməklə torpaq sahələrini qanunsuz yolla ələ keçirməkdə ittiham olunur. O, vəzifə səlahiyyətlərindən istifadə edərək aldığı torpaqları yaxınlarının adına sənədləşdirib.
Sabiq rəis barədə xüsusilə külli miqdarda dələduzluq və vəzifə səlahiyyətlərindən sui-istifadə maddələri ilə cinayət işi başlanılıb. Bələdiyyələrə və Əmlak Məsələləri üzrə Dövlət Xidmətinə dəymiş ziyan 500 min manatdan çoxdur.
Cavanşir Əvəzov cinayət işi ilə bağlı bir müddət əvvəl vəzifəsindən azad olunub.
