Yaxın günlərdə ölkədə havanın yenidən kəskin dəyişəcəyi ilə bağlı məlumat yayılıb.
Referans.az-ın məlumatına görə, havanın temperaturu 6-7 dərəcə enəcək.
Bununla bağlı meteroloq Cavidan Əliyev ən son proqnozlardan danışıb:
“Skandinaviya antitsiklonunun yalı Azərbaycana da təsir edəcək. Yaxın 3 gün ərzində əsasən şimal - Quba, Qusar, şərq rayonlarında və Lənkəran-Astara zonasında yağıntılı keçəcəyi gözlənilir. Bu ərazilərdə yağış yağacağı, Quba, Qusar rayonlarında isə sulu qar və qar yağacağı gözlənilir. Bəzi rayonlarda şimal-şərq küləyinin sürəti arabir 15-20 m/s-dək güclənəcək. Bakıda isə sabah arabir güclənən şimal-qərb küləyi əsəcək. Küləyin sürəti 7-12 m/s, arabir 15-20 m/s olacaq”.
Meteroloq bildirib ki, fevral ayının 19-dan etibarən hava maksimum dərəcədə soyuyacaq. Bu tarixlərdə vətəndaşlara daha diqqətli olmaq tövsiyə olunur:
“Lakin 19-u axşam saatlarından və növbəti günlərdə serialı dalğalı tsiklonların təsirindən havanın daha da kəskinləşəcəyi gözlənilir. Belə ki, əksər rayonlarında qar yağacağı istisna olunmur. Temperatur tədricən 6-11 dərəcə aşağı enəcək”.
