Xaçmaz rayonunda fərdi yaşayış evində yanğın baş verib. Hadisə rayonun Köhnə Xudat kəndində qeydə alınıb.
İlkin məlumata görə, yanğın İslam Hilal oğlu Nəbiyevə məxsus birmərtəbəli fərdi yaşayış evində başlayıb. Hazırda evin dam örtüyü və həyətdə yerləşən yardımçı tikili alov içərisindədir.
Hadisə yerinə Xaçmaz Dövlət Yanğından Mühafizə Hissəsinin Xudat bölməsinin yanğınsöndürən texnikası və şəxsi heyəti cəlb olunub. Yanğının söndürülməsi istiqamətində tədbirlər davam etdirilir.
Yanğının başvermə səbəbi və dəymiş ziyanın həcmi ilə bağlı hələlik rəsmi məlumat açıqlanmayıb.
Mənbə: Bizim.Media
