Balakən rayonunda 29 yaşlı kişi nişanlısının keçmiş həyat yoldaşına bıçaqla xəsarət yetirib.
1997-ci il təvəllüdlü Cəfər nişanlısı Rəqsanənin yaşadığı evin yaxınlığında küçədə avtomobildə onun keçmiş həyat yoldaşı Telmanı (adlar şərtidir - red.) görüb.
Bu zaman aralarında qısqanclıq zəminində mübahisə yaranıb. Mübahisə zamanı Cəfər Telmanın hər iki ayağına iki bıçaq zərbəsi vurub.
Faktla bağlı Cəfərə Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
Təqsirləndirilən şəxs ifadəsində özünü təqsirli bildiyini deyib. O, məhkəməyə təqdim etdiyi ərizədə zərərçəkmiş şəxslə barışdığını, dəymiş ziyanın ödənildiyini və zərərçəkənin ondan heç bir şikayətinin olmadığını qeyd edib.
Balakən Rayon Məhkəməsinin hökmü ilə Cinayət Məcəlləsinin 73.2-ci maddəsinə əsasən Cəfər barəsində cinayət təqibinə xitam verilib və o, cinayət məsuliyyətindən azad edilib.
Mənbə: Demokrataz
