Xaçmaz rayonunda keçiriliən “Zəfər Kuboku”nun sahibi məlum olub. Bu haqda ShimalNews 7 noyabr tarixində Xaçmaz Gənclər Klubuna istinadən məlumat verir.
Heydər Əliyev Mərkəzində 8 Noyabr - Zəfər Gününə həsr olunmuş “Breyn-rinq” intellektual oyunu üzrə rayon birinciliyi keçirilib.
Xaçmaz Rayon Gənclər və İdman İdarəsinin, Quba-Xaçmaz Regional Təhsil İdarəsinin və Xaçmaz Gənclər Klubunun birgə təşkilatçılığı ilə 100 nəfər gənc yarışa qatılıb.
Finalda ən yaxşı nəticə göstərən Xudat şəhər 3 nömrəli tam orta məktəbinin “2+2=5” komandası 1-ci olub. 9 nömrəli tam orta məktəbin "Odlar Yurdu" komandası 2-ci, Köhnə Xaçmaz tam orta məktəbinin “İnterstellar” komandası 3-cü yerə layiq görülüblər.
Qalib komandalar Rayon Gənclər və İdman İdarəsinin kubok, diplom və hədiyyələri ilə mükafatlandırılıblar.
