Xaçmaz şəhərində yol-nəqliyyat hadisəsi baş verib.
Shimal.News-un məlumatına görə, hadisə Mustafa Mərdanov və Süleyman Ələsgərov küçələrinin kəsişməsində qeydə alınıb. Belə ki, "VAZ-2106" və "Audi" markalı minik avtomobilləri toqquşub. Zərbənin təsirindən avtomobillərdən biri yol kənarındakı fərdi yaşayış evinin darvazasına çırpılıb.
Qəza nəticəsində xəsarət alan olmasa da, hər iki avtomobilə ciddi ziyan dəyib. Faktla bağlı araşdırma aparılır.
Qeyd edək ki, sözügedən kəsişmədə mütəmadi olaraq yol-nəqliyyat hadisələri qeydə alınır.
