III Beynəlxalq Xankəndi Ultramarafonunun üçüncü mərhələsi başa çatıb.
Shimal.News xəbər verir ki, III Beynəlxalq Xankəndi Ultramarafonunun 192 kilometrlik ilk mərhələsi Qəbələ–Ağdaş marşrutu üzrə keçirilib. Yarışın üçüncü mərhələsində isə atletlər Bərdədən Ağdama qədər 46,8 kilometr məsafə qət ediblər.
Bu mərhələdə də əvvəlki iki mərhələnin qalibləri birinciliyi qoruyublar.
Kişilər arasında Gürcüstan təmsilçisi David Xarazişvili birinci, Litvadan Andrey Yeqorov ikinci, Azərbaycan idmançısı Elşad Nəsibov isə üçüncü olub.
Qadınların mübarizəsində Ukrayna təmsilçisi Olena Şevçenko birinci, Rusiya idmançısı Leyla Abdinova ikinci, Azərbaycanın təmsilçisi Natalya Vallek isə üçüncü yeri tutub.
Qeyd edək ki, ultramarafon dörd mərhələdən ibarətdir. Yarış Qəbələ–Ağdaş (52,5 km) marşrutu ilə başlayıb, daha sonra Ağdaş–Bərdə (63,5 km) və Bərdə–Ağdam (46,8 km) istiqamətlərində davam edib. Sonuncu mərhələdə iştirakçılar Ağdamdan Xankəndiyə qədər 29,2 kilometr məsafə qət edəcəklər. Ümumi məsafə 192 kilometrdir.
Hər mərhələnin qalibləri ayrıca mükafatlandırılır, ultramarafonun ümumi qalibləri isə baş mükafata layiq görüləcəklər.
Xatırladaq ki, Xankəndi Ultramarafonu ilk dəfə 2024-cü ildə Xankəndi–Bakı marşrutu üzrə təşkil olunub. 2025-ci ildə isə yarış Qəbələ–Xankəndi istiqamətində keçirilib. Ultramarafonun əsas məqsədi sağlam həyat tərzini və qaçış idmanını təşviq etmək, Azərbaycanın müxtəlif bölgələrini idman vasitəsilə tanıtmaqdır.
