Quba rayonunun Zərdabi qəsəbəsində sakinlər artezian quyusundan gələn suyun palçıqlı olmasından şikayətlənirlər.
Shimal.News-a müraciət edən sakinlərin sözlərinə görə, təxminən 10 gündür ki, istifadə etdikləri su bulanıq və palçıqlı gəlir. Onlar məsələ ilə bağlı aidiyyəti quruma şikayət etdiklərini, lakin indiyədək problemin həlli istiqamətində tədbir görülmədiyini bildirirlər.
Sakinlər suyun vəziyyətinin ciddi narahatlıq yaratdığını qeyd edirlər.
"Bu sudan heç heyvanlar belə içməz" - deyə sakinlər bildiriblər.
Qəsəbə sakinləri aidiyyəti qurumlardan problemin araşdırılmasını, suyun keyfiyyətinin yoxlanılmasını və problemin aradan qaldırılmasını tələb edirlər.
