"Qəbələ" heyətini yeni futbolçu ilə gücləndirib.
Shimal.News xəbər verir ki, "qırmızı-qaralar" isveçrəli hücumçu Kərim Rossini transfer edib. Tərəflər arasında 2 illik müqavilə imzalanıb.
30 yaşlı forvard son mövsümü "Şamaxı"nın heyətində keçirib. O, 2024/2025 mövsümündə Azərbaycan Premyer Liqası və Azərbaycan Kubokunda ümumilikdə 35 oyunda meydana çıxaraq 13 qola imza atıb və komandasının ən məhsuldar oyunçularından biri olub.
Təcrübəli hücumçunun yeni mövsümdə "Qəbələ"nin hücum xəttinə ciddi töhfə verməsi gözlənilir.
Qeyd edək ki, "Qəbələ" yeni mövsüm öncəsi heyətini gücləndirmək istiqamətində transfer çalışmalarını davam etdirir.
