Quba-Qonaqkənd avtomobil yolunun bəzi hissələrində torpaq sürüşməsi nəticəsində asfalt örtüyü dağılıb və hərəkət hissəsi daralıb.
Hadisə səbəbindən yolun asfalt qatında iri çatlar yaranıb. Torpaq kütləsinin hərəkəti isə hazırda da davam edir. Bu da sürücülərin həmin ərazidən keçidini çətinləşdirir.
Təhlükəsizliyin təmin olunması məqsədilə Azərbaycan Avtomobil Yolları Dövlət Agentliyi tərəfindən yolun bəzi hissələrində xəbərdaredici lentlər çəkilib və müvafiq nişanlar quraşdırılıb.
Bununla yanaşı sürücülər bildiriblər ki, yolun ayrı-ayrı hissələrində xəbərdaredici nişanlar yoxdur. Onların sözlərinə görə, təhlükəli əraziyə yaxınlaşdıqdan sonra lentləri görmək mümkün olur ki, bu da sürücülər üçün əlavə risk yaradır.
Qeyd edək ki, torpaq sürüşmələri əsasən Quba rayonunun Kunxırt və Xırt kəndləri ərazisində müşahidə olunur.
Ətraflı Baku TV-nin videosunda:
