Şərqin ilk qadın təyyarəçilərindən biri Leyla Məmmədbəyova haqqında faktlar
Sizə Leyla Məmmədbəyovanın həyatından 7 fakt təqdim edirik:
Əslən qubalı olan Leyla Məmmədbəyova 17 sentyabr 1909-cu ildə Bakıda (digər mənbələrdə Qubada) anadan olub. O, kiçik yaşlarından anasını itirib.
Leyla 14 yaşında olarkən 19 yaşlı Bəhram Məmmədbəyovla ailə qurub. Leylanın həyat yoldaşı daim ona dəstək olub, onun həm oxumağına, həm işləməsinə icazə verib.
L.Məmmədbəyova 1928-ci ildə çadradan imtina edib.
1933-cü ildə Leyla paraşütlə tullanaraq, Sovet İttifaqının ikinci qadın paraşütçüsü olub.
Leyla İkinci Dünya müharibəsində iştirak etmək istəsə də, çoxuşaqlı ana olduğuna görə ona icazə verilmir. Lakin Leyla təslim olmamış, müharibə illərində 4000 desantçı-paraşütçu hazırlayıb, cəbhəyə yollamışdır.
O, SSRİ-nin Osoaviaxim təyyarəçilər məktəbinə qəbul olunan 22 nəfərdən tək qadın olub.
Leyla 6 uşaq böyüdüb tərbiyə etdiyinə görə, “Analıq medalı” ilə təltif olunmuşdur. O, 1932-ci ildə təhsilini davam etdirmək üçün Moskvaya göndəriləndə Mircəfər Bağırova: “uşağım balacadır ”- deyib. Bağırov isə uşaqlar üçün dayə veriləcəyini söyləyib. Leylanın böyük oğlu Firudin İkinci Dünya müharibəsinin, kiçik oğlu Xanlar isə Birinci Qarabağ müharibəsinin iştirakçıları olublar.
İstinad edilən mənbələr:
Azərbaycan Sovet Ensiklopediyası. VI cild. Bakı-1982.
