1989-cu ilin 31 dekabrında azərbaycanlılar SSRİ - İran sərhədlərində Şimali və Cənubi Azərbaycan arasındakı sərhəd dirəklərini dağıtdılar. Beləliklə, İran ərazisində və Azərbaycan Respublikasında yaşayan azərbaycanlılar Araz çayını keçərək görüşdülər. Həmin gün Dünya Azərbaycanlılarının Həmrəyliyi Gününün əsası qoyuldu.
16 dekabr 1991-ci ildə ulu öndər Heydər Əliyevin təşəbbüsü ilə Naxçıvan MR Ali Məclisinin iclasında 31 Dekabr - Dünya Azərbaycanlılarının Həmrəyliyi Günü elan edilmişdir.
