1992-ci il fevralın 25-dən 26-na keçən gecə erməni silahlı dəstələri və keçmiş SSRİ-nin 366-cı motoatıcı hərbi alayı Xocalı şəhərinə üç istiqamətdən hücum etdi.
Ermənilərin Xocalıda törətdiyi soyqırım nəticəsində 63-ü uşaq ,106-sı qadın və 70-i qoca olmaqla 613 nəfər öldürülmüşdür. Həmçinin 487 nəfər yaralanmış, 1275 dinc sakin: qocalar, uşaqlar, qadınlar əsir götürülərək, ağlasığmaz erməni zülmünə məruz qalmışdır. 150 nəfərin taleyi hələ də məlum deyil.
2500-ə yaxın şəhər sakini evlərini tərk etmək məcburiyyətində qalmışdır. Onlar canlarını qurtarmaq üçün meşəyə tərəf üz tutmuş, lakin erməni quldur dəstələri tərəfindən xüsusi qəddarlıqla əksəryyəti qətlə yetirilmişlər.
Ulu öndər Heydər Əliyevin təşəbbüsü ilə 1994-cü ildə Milli Məclis “Xocalı Soyqırımı Günü haqqında” qərar qəbul etmişdir.
