Tahir Aslanlı 23 fevral 1951-ci ildə Quba rayonunun Çiçi kəndində anadan olub. O, mühəndis, şair, jurnalist və Azərbaycanın diplomatlarından biri idi.
Aslanlı əmək fəaliyyətinə 1967-ci ildə Bakıda qarışıq mallar ticarəti idarəsində fəhlə kimi başlayıb. O, 1980-ci illərdə Moskvadakı Qorki adına Ədəbiyyat İnstitutunun poeziya şöbəsində təhsil alıb.
Şair 1982-1984-cü illərdə “Sovetski pisatel” nəşriyyatı nəzdində ədəbiyyatçılar şurasına qəbul edilib. O, 1984-1987-ci illərdə SSRİ Ədəbiyyat fondu yanında yazıçıların həmkarlar komitəsinin üzvü kimi çalışıb. Aslanlı 1987-ci ildən “Molodyoj Azerbaydjana” qəzetinin ştatdan kənar müxbiri, “Drujba narodov” jurnalında ədəbi işçi vəzifələrində işləyib.
O, 1988-ci ildən Azərbaycan Yazıçılar Birliyinin üzvü idi. Tahirin “Burada doğulmuşam”, “Ağlaya bilməyən kişilər də var”, “Təbrizdən məktub”, “Çıxart məni yadından” kimi şeirləri var. Həmçinin Aslanlının “Günəşə uzanan illər”, “Başımın üstündə bir ovuc torpaq”, “Dilimizin düyünü”, “Ürəyimdəki kölgə” əsərləri var. Onlar ingilis, alman, fransız, macar, ərəb və fars dillərinə tərcümə edilib.
Tahir Aslanlı 5 avqust 1995-ci ildə vəfat edib.
İstinad edilən mənbələr:
