Azərbaycanın xalça ustası Gülnənə Məhəmməd qızı Mustafayeva 5 iyun 1915-ci ildə Quba rayonunun Afurca kəndində anadan olub.
1943-1960-cı illərdə Gülnənə Qonaqkənd xalça artelində toxucu, sex müdiri, artelin sədri vəzifələrində, 1960-1968-ci illərdə isə həmin kənddəki “Qumaş” xalça fabrikində çalışmışdır. Xalçaçı 1950-ci ildə SSRİ Dövlət mükafatı laureatı olub. Həmçinin dəfələrlə Qonaqkəndin “Qumaş” xalça fabrikinin sərgilərdə xalçaları mükafatlara layiq görülüb.
Gülnənə Mustafayevanın iştirakı ilə toxunmuş “İ.V.Stalin” xalısı yüksək bədii keyfiyyətə malikdir. Onun toxuduğu “Qolluçiçi”, “Açgülçiçi”, “Herat-Pirəbədil” və digər çeşidli xalçalar Azərbaycanın müxtəlif muzeylərində saxlanılır.
