Şəki-Qax avtomobil yolunun İnçə kəndi ərazisindən keçən hissəsində baş verən qəza ölümlə nəticələnib.
Shimal.News xəbər verir ki, gecə saatlarında hərəkətdə olan "Lada Priora" markalı avtomobil idarəetmədən çıxaraq dərəyə aşıb.
Qəza nəticəsində Laçın rayon sakini, 24 yaşlı Səbuhi Ağazadə hadisə yerində həyatını itirib.
Avtomobildə olan daha üç nəfər – Şamaxı rayon sakini 24 yaşlı Əzəlxan Vəliyev, Goranboy rayon sakini 25 yaşlı Ruhin Əliyev və Mingəçevir şəhər sakini 40 yaşlı Surxan Hüseynov xəsarət alıblar.
Yaralılar Şəki Rayon Mərkəzi Xəstəxanasına çatdırılıb. Onların müalicəsi davam etdirilir.
