Bu gün Novruzun çərşənbələrindən üçüncüsüdür. Bu çərşənbə “Hava çərşənbəsi”, “Külək çərşənbəsi”, “Yelli çərşənbə”, “Külək oyadan çərşənbə” kimi də adlanır.
Yel çərşənbəsində əsən soyuq və isti küləklər yazın gəlişindən xəbər verir. Gün ərzində küləyin sürətinin bir neçə dəfə dəyişməsi onun yenilənməsi, havanın təmizlənməsi kimi qəbul edilir.
Yel çərşənbəsi günü tonqallar qalanır, evlərdə müxtəlif yeməklər bişirilir. İnsanlar Novruz bayramına hazırlıq görürlər.
