İsmayıllı rayonu 24 noyabr 1931-ci ildə təşkil olunmuşdur.
Rayon yarananda onun ərazisinin böyük hissəsi Göyçay qəzasının, digər hissəsi Şamaxı qəzasının, kiçik hissəsi isə Şəki qəzasının tərkibində olub. İlk vaxtlar rayonun inzibati mərkəzi Basqal kəndində olmuş, qısa müddətdən sonra İsmayıllıya köçürülmüşdür.
İsmayıllı rayonu ərazisində 1 şəhər, 2 qəsəbə və 105 kənd mövcuddur. 2022-ci ilin rəsmi məlumatına əsasən, İsmayıllı rayonunun əhalisi 88 min nəfərdən artıqdır.
İsmayıllı rayonunda dünya misgərlik incisi Lahıc qəsəbəsi, Azərbaycanın mühüm ipək məmulatı istehsalı mərkəzlərindən biri olan Basqal qəsəbəsi, Cavanşir qalasının yerləşdiyi Talıstan kəndi, molokanların məskəni İvanovka kəndi kimi məşhur yerləri qeyd etmək olar.
İstinad edilən mənbələr:
