Baba Vəzir oğlu Məsimov 10 yanvar 1954-cü ildə İsmayıllı rayonunun Mollaisaqlı kəndində anadan olub. O, Baba Vəziroğlu kimi tanınır.
O, orta məktəbi bitirdikdən sonra “Pravda” kolxozunda işləyib. Vəziroğlu 1972-1977-ci illərdə indiki BDU-nun jurnalistika fakültəsində təhsil alıb. Vəziroğlu 1991-ci ildə Azərbaycan Yazıçılar Birliyi İdarə Heyətinin üzvü seçilmişdir. 1993-1994-cü illərdə o, “Yurd” jurnalının məsul katibi kimi fəaliyyət göstərib. 1997-1998-ci illərdə “Mir” Dövlətlərarası Teleradio Şirkətində redaktor, 1998-2002-ci illərdə isə Azərbaycan Kinematoqrafçılar İttifaqında baş redaktor olub.
Ədəbi fəaliyyətə 1976-cı ildə “Ulduz” jurnalında çap etdirdiyi “Bir yaz axşamı”, “Mağazinçi Dadaş” hekayələri ilə başlamışdır. O, “Həsən Seyidbəyli”, “Sənsiz və ya ömrün son axşamı”, “Haradan başlanır Vətən”, “Elegiya” və s. sənədli filmlərin ssenari müəllifidir. Vəziroğlunun “Bilirəm tək yanan mən olacağam”, “Sevgi ayrılıqdan güclüdü vallah”, “Xatirədir”, “Məndən bir də olmayacaq” və digər şeirləri var.
Baba Vəziroğlu 1981-ci ildən Azərbaycan Yazıçılar Birliyinin üzvüdür. Vəziroğlu 1988-ci ildə “Respublika komsomolu”, 2000-ci ildə isə “Humay” mükafatı laureatı olub. O, 2005-ci ildə Respublikanın Əməkdar incəsənət xadimi adına layiq görülüb. Sənətkar, həmçinin “Şöhrət” ordeni ilə təltif edilib.
İstinad edilən mənbələr:
