Soltan Cəfər oğlu Mehdiyev 2 dekabr 1914-cü ildə İsmayıllının Lahıc qəsəbəsində anadan olub.
Mehdiyev kimya elmləri doktoru idi. O, 570 elmi əsərin müəllifidir. Onun əsərlərinin çox hissəsi xaricdə çap olunub. Alimin elmi rəhbərliyi altında 9 elmlər doktoru və 70-dən çox fəlsəfə doktoru yetişdirilmişdir.
Soltan Mehdiyev “1941-1945-ci illər Böyük Vətən müharibəsində fədakar əməyə görə”, “Qafqazın müdafiəsinə görə” medalları ilə təltif olunmuşdur. Həmçinin o, elmi fəaliyyətinə görə iki dəfə “Fədakar əməyə görə” medalı ilə, “Xalqlar dostluğu” ordeni ilə təltif olunmuşdur və 1979-cu ildə “Azərbaycanın Əməkdar elm xadimi” fəxri adına layiq görülmüşdür.
Soltan Mehdiyev 12 oktyabr 1985-ci ildə Bakıda vəfat etmişdir.
İstinad edilən mənbələr:
