Azərbaycanın qalalar yurdu: İsmayıllının Sulut kəndi

Sulut kəndi İsmayıllı rayonunun mərkəzindən 45 km şərqdə, dağ ətəyində yerləşir.

Kəndin adı “çulut” sözündən yaranıb, bu isə monqolca “daşlı çay” mənasını verir. Buna səbəb isə kəndin ərazisindən Sulut adlı çayın axmasıdır. Həmin çayın ərazisi daşlı, çınqıllı sulu sahələrdən ibarətdir.

Şirvanşahlar dövründə, IX-XVI əsrlərdə kənd ticarət məntəqəsi olmuşdu. Həmçinin kənddə keçmişdə “Kömürbasma” adlı kömüryandırma sənayesi mövcud idi. Kömürlər Sulutdan Lahıca gətirilirdi.

Sulutda ilk dünyəvi məktəb 1918-ci ildə açılmışdı.

Sulut kəndində orta əsrlərə aid maddi mədəniyyət abidələri, yaşayış yerləri, buzxana, “qıcılıq” adlı yerdə qala, Xirəki qalası, Fit qalası və digər tarixi abidələr yerləşir. 1928-ci ildə kəndin yaxınlığından 1858 və 1770-ci illərə aid sikkələr tapılıb.

1912-ci ilə olan “Qafqaz təqvimi”ndə əhalinin siyahıyaalınması məlumatına əsasən, Sulut kəndində 1321 nəfər yaşayırdı. 2009-cu ilin rəsmi məlumatına əsasən, kəndin əhalisi 416 nəfər təşkil edib.

İstinad edilən mənbələr:

• Е.А. Пахомов. Клады Азербайджана и других республик и краев Кавказа. Выпуск II. Баку-1938.


• Azərbaycan Respublikası əhalisinin siyahıya alınması 2009-cu il. Bakı-2010.


• Кавказский календарь на 1912 год. Тифлис-1911.


• Azərbaycan sovet ensiklopediyası. IX Cild. Bakı-1986.


• Сара Ашурбейли. Государство Ширваншахов (VI-XVI вв.). Баку-1983.


• Azərbaycan toponimlərinin ensiklopedik lüğəti. Bakı-2007.


• Sevda Qasımova. İsmayıllı-etnolinqvistik yaddaş. Bakı-2011.


• http://ismayilli-ih.gov.az/az/page/133.html


• http://www.anl.az/down/meqale/kaspi/2016/iyun/497768.htm