1918-1920-ci illərdə 23 ay mövcud olmuş Azərbaycan Xalq Cümhuriyyəti dövlətin Əsas Qanununu qəbul edə bilməmişdi. Bu səbəbdən Azərbaycan Respublikasının Konstitusiya quruluşunun tarixi, əsasən, SSRİ-nin tərkibində olduğu dövrə düşür.
Müstəqil Azərbaycan Respublikası Konstitusiyasının qəbul edilməsi 22 il əvvəl həyata keçirilib. Ulu öndər Heydər Əliyevin rəhbərliyi ilə hazırlanan ilk Konstitusiya 12 noyabr 1995-ci ildə keçirilmiş referendum yolu ilə qəbul edilib. Referendumda seçicilərin 86%-i iştirak edib və onların 91,9%-i Əsas Qanunun qəbul edilməsinin lehinə səs verib.
1996-cı ildən 12 Noyabr - Azərbaycan Respublikasının Konstitusiya Günü kimi qeyd olunur.
