2020-ci ilin 10 noyabr tarixində Azərbaycan Respublikasının Prezidenti İlham Əliyev, Ermənistan Respublikasının baş naziri Nikol Paşinyan və Rusiya Federasiyasının Prezidenti Vladimir Putin arasında üçtərəfli Bəyanat imzalanmışdır. Nəticədə Dağlıq Qarabağ münaqişəsi zonasında hərbi əməliyyatların tam dayandırılması elan olunmuşdur.
Bəyanata əsasən, müəyyən edilmiş vaxtlarda Ağdam, Laçın, Kəlbəcər rayonları qan tökülmədən işğaldan azad edildi və Azərbaycanda Böyük Qayıdış strategiyası icra olunmağa başlandı.
