Xəbər verdiyimiz kimi, Qubanın Alekseyevka kəndində yerləşən və nəqliyyat vasitələri üçün əsas arteriyalardan biri olan yol yararsız vəziyyətə düşmüşdü. Nəticədə uzun müddət ərzində faktiki olaraq yalnız bir zolaqla hərəkət mümkün idi.
Shimal.News məsələni gündəmə gətirdikdən sonra problemin həlli istiqamətində addım atılıb. Artıq bu gün Bakı–Quba və Quba–Xaçmaz magistrallarını birləşdirən sözügedən yol təmirə bağlanır. Təxminən iki ay əvvəl yarımçıq qalan işlərin tamamlanacağı bildirilir. Sürücülərə alternativ marşrutlardan istifadə etmələri tövsiyə olunur.
Xatırladaq ki, Shimal.News daha əvvəl həmin ərazidə yerləşən kənd məktəbində təhsil alan şagirdlərin valideynlərinin və ictimaiyyət nümayəndələrinin müraciətlərini işıqlandırmışdı. Bundan sonra bu istiqamətdən keçən yük avtomobillərinin hərəkətinə məhdudiyyət tətbiq olunub və müvafiq yol nişanı quraşdırılıb.
